တားမြစ်ပစ္စည်းများ ပေးပို့ခြင်းမပြုရန် ပေးပို့သော ကုန်ပစ္စည်းအားလုံးသည် လမ်းခရီးတွင် ဖွင့်ဖောက်စစ်ဆေးခြင်း ခံရနိုင်ပါသည်။ ထို့ကြောင့် တားမြစ်ပိတ်ပင်ထားသော ပစ္စည်းများကို တမင်ရည်ရွယ်၍ ဝှက်သိုခြင်း၊ မြှုပ်နှံခြင်းမျိုး ပြုလုပ်၍ ပေးပို့ခြင်း လုံးဝ (လုံးဝ) မပြုလုပ်ရန် အထူးသတိပေးအပ်ပါသည်။

(အနည်းဆုံး ထုပ်ပိုးမှု): ပွန်းပဲ့ပျက်စီးမှု သက်သာစေရန် ပစ္စည်းတိုင်းကို အနည်းဆုံး ထုပ်ပိုးမှု (၁) ထပ် မဖြစ်မနေ ပါရမည်။

(စက္ကူဗူးအသုံးပြုမှု): ခိုင်ခံ့သော စက္ကူဗူးအသစ်များကိုသာ သုံးရမည်။ ဗူးနှင့် ပစ္စည်းအရွယ်အစား ကွက်တိဖြစ်ပြီး ခိုင်ခံ့နေရမည်။

(ပျက်စီးလွယ်ပစ္စည်း): ကျိုးလွယ်၊ ကြေလွယ်သော ပစ္စည်းများကို ပုံမှန်ထက် ပိုမိုထူထဲ စိတ်ချရအောင် အထူးအဆင့်မြင့် ထုပ်ပိုးရမည်။

(အထုပ်ကြီးပစ္စည်း): သတ်မှတ်ချက်ထက် ကြီးမားသော ပစ္စည်းများကို သယ်ယူရွှေ့ပြောင်းရ လွယ်ကူစေမည့် ပုံစံမျိုး ထုပ်ပိုးရမည်။

(အဝတ်အထည် Bulk အိတ်): မိုးရေနှင့် စိုထိုင်းမှုဒဏ်ခံနိုင်ရန် အတွင်းမှ ပလတ်စတစ်အိတ် (PE Bag) ဖြင့် ပတ်ရမည်။ အပြင်မှ အထူစား ဆာလာအိတ် (Woven Bag) သုံးပြီး စက်ချုပ်ခြင်း သို့မဟုတ် Cable Tie ဖြင့် ခိုင်မာစွာ ချည်ရမည်။

(အမြင့်နှင့် ဖိအားဒဏ်): အမြင့် ၃ ပေ (၁ မီတာ) မှ ပြုတ်ကျလျှင် ခံနိုင်ရည်ရှိရမည်။ အထပ်ထပ်ဆင့်တင်ရာတွင် မပြားစေရန် အလေးချိန် ၂၀ ကီလိုဂရမ် (20 kg) အထိ ဖိအားဒဏ်ခံနိုင်သော ဗူးကို သုံးရမည်။